Олунньу 13 күнэ – Төрөөбүт тыл уонна сурук-бичик күнэ

13 февраля 2021, 09:10
Олунньу 13 күнэ – Төрөөбүт тыл уонна сурук-бичик күнэ. Бу бэлиэ күнү көрсө бүгүҥҥэттэн Сунтаар улууһун оскуола, оҕо саадын тэрилтэлэригэр сахалыы таҥастарын кэтэн, сибэкки курдук симэммит мааны кыргыттар, дьоһуннаммыт уолаттар сүүрэкэлэһэллэр.
Нэдиэлэ устата Сунтаар улууһун үөрэх тэрилтэлэригэр тургутук ыйытыктар, остуол оонньуулара, бэсиэдэлэр, күрэстэр о.д.а. ыытыллара былааннанар.
В.Г.Павлов аатынан Сунтаардааҕы алын сүһүөх оскуолатын 4 “в” (кылаас салайааччыта Туйара Дмитрьевна Михайлова) үөрэнээччилэрэ «Дуорай кэнчээрилэрэ» диэн хоһоонньут уолаттар ансаамбыллаахтар. Оҕолор манна маҥнайгы кылаастан дьарыктанан, төрөөбүт тылы-өһү сөпкө туттууга дьулуһаллар, сөбүлээн дьарыктаналлар. Бу чобуо уолаттар араас тэрээһиннэргэ кытталларын дьон-сэргэ сөҕө-махтайа көрөөччү, ансаамбыл салайааччыта Тамара Николаевна Спиридонова. Уолаттар былааннаммыт тэрээһиннэргэ көхтөөхтүк кыттарга бэлэмнэр.









Написать письмо

Авторизация

Забыли?
Согласен с правилами сайта и даю согласие на обработку персональных данных

Поделитесь ссылкой